یوم صوفی سرمست کا انعقاد

ریاست کرناٹک کے ضلع یادگیر کے شاہ پور ٹاؤن میں حضرت صوفی سرمست کے آستانہ میں ماہانہ اجلاس بعنوان 'یوم صوفی سر مست' کا انعقاد عمل میں آیا۔

اس موقعے پر عزیز اللہ سر مست نے اپنے خطاب میں کہا کہ بھارت میں صوفیاء کرام نے اپنے ایمانی طاقتوں کے ذریعے باطل طاقتوں کا مقابلہ کیا ہے۔

صوفیا کرام نے اپنے عمدہ اخلاق کے ذریعے دلوں کو فتح کیا ہے۔
انھوں نے اپنے خطاب میں مشہور شعر کے حوالے سے کہا
جو دلوں کو فتح کر لے وہی فاتح زمانہ

مولانا نے اپنی تقریر کے دوران کہا کہ ہمیں بھی صحابہ کرام اور صوفیائے کرام کی زندگیوں سے رہنمائی حاصل کرتے ہوئے اپنی اخلاقی اور ایمانی طاقت میں مزید اضافہ کرنا ہوگا۔

ان کا کہنا تھا کہ آج اس بات کی ضروروت ہے کہ بھائی چارے اور اخوت کی فضا کو عام کیا جائے، اور اپنے غیر مسلم بھائیوں کے ساتھ اچھے تعلقات قائم کئے جائیں۔

اس موقعے پر مقتلف شعبہ جات میں خدمات انجام دینے والے افراد کو تہنیت پیش کیا گیا۔

اس پروگرام کی صدارت سید شاہ اسداللہ سر مست نے فرمائی۔