قربانی کے فضائل و مسائل

مولانا مجیب اسعد باقوی بیدر نے ای ٹی وی بھارت سے قربانی اور اس کے مسائل پر خصوصی گفتگو کرتے ہوئے کہا کہ قربانی حضرت ابراہیم علیہ السلام کی سنت ہے اور قیامت تک اس سنت پر عمل جاری رہے گا۔

اللہ کے رسول صلی اللہ علیہ وسلم کا ارشاد ہے کہ قربانی کے دنوں میں قربانی سے بڑھ کر کوئی نیک عمل اللہ کو پسندیدہ نہیں اور قربانی کے دوران خون زمین پر گرنے سے پہلے وہ اللہ کے یہاں قبول ہو جاتی ہے۔ صاحب قربانی کے گناہ معاف ہوتے ہیں. قربانی کے جانوروں کے ایک ایک بال کے بدلے ایک ایک نیکی ملتی ہے.
قربانی کے مسائل پر مولانا نے کہا کہ قربانی کے لیے اندھے، لنگڑے، دم کٹے، اور جس جانور کی سینگ جڑ سے ٹوٹ گئی ہو یا جانور بہت لاغر ہے تو اس کی قربانی درست نہیں.

انہوں نے کہا کہ مینڈا، بکرا، دمبہ،. یا بھینس اور ان جانوروں کے نر و مادہ کی قربانی جائز ہے. چھوٹے جانوروں میں ایک حصہ اور بڑے جانور میں سات حصے شریک ہوسکتے ہیں.جو جانور قربانی کے لئے لیا جارہا ہے ان میں بکرا، دنبہ اور مینڈھا ایک سال سے کم نہ ہو اور اونٹ کی عمر پانچ سال سے کم نہ ہو.مولانا نے عید کے تین دن خاص کر جو لوگ قربانی دے رہے ہیں ان سے اپیل کرتے ہوئے کہا کہ صفائی کا خیال رکھیں اور برادران وطن کو کسی بھی قسم کی شکایت کا موقع نہ دیں۔