یادگیر: وقف املاک کے تحفظ کا مطالبہ

وقف املاک پر ناجائز طریقے سے قبضہ کرنے کی خبریں آئے دن سننے میں آیا کرتی ہیں۔ ایسا ہی ایک واقعہ گاؤں کیمباوی، تعلقہ شورا پور، ضلع یادگیر میں پیش آیا ہے۔

قاضی محمد فاروقی نے میڈیا سے بات کرتے ہوئے بتایا کہ کیمباوی گاؤں، تعلقہ شورا پور، ضلع یادگیر کا سروے نمبر 407 ہے جو کہ قبرستان کی جگہ کے طور پر وقف بورڈ میں رجسٹر ہے۔

اس جگہ پر مقامی محکمہ بلدیہ کی جانب سے عوامی بیت الخلا بنانے کی کوشش کی جارہی ہے۔ یہ کام 2008 سے وقفے وقفے سے جاری ہے۔

اعتراضات کے بعد اس کام کو روک دیا گیا تھا مگر پھر سے کام شروع ہونے کی اطلاع پر قبرستان کمیٹی کے ذمہ داران نے قبرستان پہنچ کر کام کو روک دیا۔

اس سلسلہ میں ضلعی انتظامیہ اور محکمہ وقف بورڈ کو ایک میمورنڈم پیش کیا گیا ہے جس میں قبرستان کی جگہ کی حفاظت کرنے کی اپیل کی گئی ہے اس موقع پر قبرستان کمیٹی کے دیگر ذمہ داران موجود تھے۔