بیدر: کورونا کے خوف سے پبلک ٹرانسپورٹ استعمال کرنے سے گریز

دنیا بھر میں خوف و دہشت کا باعث بنا ہوا کورونا وائرس مرض کے پھیلنے کے خدشات اور اندیشوں کے پیش نظر بیدر کی عوام پبلک ٹرانسپورٹ استعمال کرنے سے گریز کرتے دکھائی دے رہی ہے۔

ضلع بیدر کے سنٹرل بس اسٹینڈ اور ریلوے اسٹیشن بیدر میں روزمرہ کے مقابلے میں عوام کم دکھائی دے رہے ہیں۔

کے یس آر ٹی سی بیدر ضلع سنٹرل بس اسٹینڈ کے بس کنٹرولربابو راؤ نے ای ٹی وی بھارت سے بات کرتے ہوئے بتایا کہ کورونا وائرس کی وجہ سے عوام میں خوف کی وجہ سے سفر کرنے سے احتیاط برت رہے ہیں، جس کے چلتے بیدر سے مختلف مقامات کے لئے بسوں کو پبلک نہ ہونے کی وجہ سے کم کر دیا گیا تھا، خاص کر بیدر سے گلبرگہ جانے والی بسوں میں کافی کمی آئی تھی۔

روزانہ بیدر سے گلبرگہ کے لیے 72بس چلائی جاتی ہے۔ کورونا وائرس کے سبب گلبرگہ میں موت ہونے کی وجہ سے گلبرگہ جانے والی بسوں کی تعداد کم ہو گئی تھی، مگر آج سے پھر تمام بسیں شروع کی گئی ہے اور عوام کا آنا جانا بھی کچھ حد تک حسب معمول ہو رہا ہے۔

بسوں میں خصوصی صفائی کی جا رہی ہے، ضلعی انتظامیہ کی جانب سے عوام کو کورونا وائرس سے احتیاط برتنے کے لئے معلومات بھی فراہم کی جارہی ہیں۔

بس اسٹینڈ کے علاوہ ریلوے اسٹیشن میں بھی کورونا وائرس سے متعلق عوام میں بیداری لائی جارہی ہے۔