یادگیر: لکھیم پور تشدد معاملے میں شدید احتجاج

ریاست کرناٹک کے ضلع یادگیر میں اترپردیش کے لکھیم پور پرتشدد معاملہ میں سوشلسٹ یونٹی سینٹر آف انڈیا و دیگر تنظیموں نے احتجاج کیا۔ یہ احتجاج اولڈ بس اسٹینڈ کے روبرو کیا گیا۔

گزشتہ روز لکھیم پور میں کسانوں پر ہوئے تشدد کے بعد پورے ملک میں غم و غصے کی لہر ہے اور متعدد مقامات پر خاطیوں کو گرفتار کرنے کا مطالبہ کیا جارہا ہے اس سلسلے میں یادگیر میں بھی احتجاج کیا گیا۔

اس موقع پر سوشلسٹ یونیٹی سینٹر آف انڈیا کے ضلعی صدر سوم شیکھر نے ای ٹی وی بھارت کو بتایا کہ مرکزی وزیر مملکت برائے داخلہ اجے مشرا کو اپنے عہدے سے استعفیٰ دینا چاہیے۔

انہوں نے کہا کہ اتر پردیش حکومت کو چاہیے کہ وہ اجے مشرا کے بیٹے کے خلاف جلد از جلد کارروائی کرتے ہوئے اسے گرفتار کرے۔