گلبرگہ میں پلاسٹک کی پابندی پرسختی

ریاست کرناٹک کے شہر گلبرگہ میں مہانگر پالیکا کی جانب سے پلاسٹک بیگس کی روک تھام کے لیے دکانوں اور پبلک مقامات پر چھاپے مارے جارہے ہیں۔

گلبرگہ شہر کے مختلف علاقوں میں دھاوے کئے گئے جس میں کئی دکانوں سے پلاسٹک بیگس کو ضبط کیا گیا۔

اس موقع پر محکمہ ماحولیات کی ایگزیکیٹیو آفیسر سشما ساگر نے پالیتھین بیاگس پر پابندی کے نفاذ کے لیے عوام سے تعاون کرنے کا مطالبہ کیا۔انہوں نے کہا کہ پلاسٹک کا استعمال کرنے والے دکانداروں کے علاوہ گاہکوں پر جرمانہ لگایا جائے گا۔سشما نے کہا کہ پلاسٹک کے استعمال سے ماحولیاتی آلودگی میں اضافہ ہوتا ہے۔چھاپے کے دوران 4 ٹن پلاسٹک ضبط کیا گیا جبکہ پلاسٹک کا استعمال کرنے کی پاداش میں کئی دکانداروں پر جرمانے عائد کئے گئے۔