مقامی باشندے بتا رہے ہیں کہ پچھلے تین سالوں سے اس گارڈن کی صاف صفائی نہیں ہوئی ہے جس کی وجہ سے یہ گارڈن جنگل کا روپ اختیار کرگیا ہے۔ جھاڑی زیادہ ہونے کی وجہ سے زہریلے جانوروں کا بسیرا ہو گیا ہے۔
مقامی باشندوں نے محکمہ بلدیہ کے اعلی ذمہ داران سے اپیل کرتے ہوئے کہا کہ جلد از جلد اس گارڈن کی صفائی کی جائے تاکہ محلے کے بچوں کو کھیلنے اور بڑوں کو چہل قدمی کرنے کے لیے سہولت ہو سکے۔
اس موقع پر مقامی خواتین نے بھی بتایا کہ گارڈن میں جھاڑی کی وجہ سے شام ہوتے ہی کیڑے مکوڑے گھروں میں آنے لگتے ہیں جس سے مختلف بیماریاں پیدا ہونے کا خدشہ پیدا ہو گیا ہے۔ ہم محکمہ بلدیہ سے اپیل کرتے ہیں کہ اس گارڈن کی صفائی کی جائے اور اس گارڈن کو بچوں کے لیے کھیلنے کودنے کے لائق بنایا جائے۔
ان کا کہنا تھا کہ اس علاقے میں اطراف و اکناف کوئی گارڈن نہ ہونے کی وجہ سے بچوں کو کھیلنے کودنے میں کافی پریشانی پیش آ رہی ہے اسکول کالج نہ ہونے کی وجہ سے بچے اکثر اوقات گھروں میں ہی گزار رہے ہیں ایسے میں اگر مقامی سطح اور اپنے محلہ جات کے گارڈن اور پارک میں بچوں کو کھیلنے کی سہولت اگر مل جائے تو بچوں اور بڑوں کی صحت کے لیے بہت فائدہ مند ہوگا۔