پروفیسر ڈاکٹر عبد الحمید اکبر صدر شعبہ اردو حضرت خواجہ بندہ نواز یونیورسٹی گلبرگہ نے اپنے دورے یادگیر کےموقع پر میڈیا سے بات کی۔آن لائن تعلیمی نظام سے متعلق پوچھے گئے سوال کا جواب دیتے ہوئے انھوں نے کہا کہ لاک ڈاؤن کے بعد ملک میں آن لائن کلاسز کا اہتمام کیا گیا ہے۔ یہ طریقہ کار ٹھیک ہے۔ مگر انٹرنیٹ کے مسائل کی وجہ سے طلبا و طالبات کو پریشانیوں کا سامنا کرنا پڑ رہا ہے۔انہوں نے کہا کہ ایپ سے تعلیم حاصل کرنا ہو ایپ کا لنک ڈاؤن لوڈ کر نا ہو اور انٹرنیٹ دھیمے چلنے کے جیسے مسائل سے بچوں کو مشکلات پیش آ رہی ہیں ان مشکلات کا ذمہ دار کون ہے؟ یہ ایک اہم سوال ہے۔
پروفیسر عبد الحمید اکبر نے مزید کہا کہ انٹرنیٹ کی سروس کو بہتر بنایا جائے۔ بارش، تیز ہوائیں اور دیگر مسائل کی وجہ سے انٹرنیٹ کا نظام ٹوٹنے نہ پائے ایسے اقدامات کیے جائیں۔ انہوں نے کہا کہ بچوں کے آن لائن تعلیم میں بہتری لانے کے لئے سبق کو ریکارڈ کرکے بچوں کو فارورڈ کیا جا سکتا ہے۔ اس سے بچوں کو با آسانی سننے اور اپنا سبق دیکھنے اور اس پر عمل کرنے کا زیادہ موقع ملے گا۔