بنگلور فسادات: این آئی نے 17 ملزمین کو گرفتار کیا

قومی جانچ ایجنسی (این آئی اے) نے جاریہ جاریہ سال 11 اگست کو بنگلور کے ڈی جے ہلی اور کے جی ہلی پولیس اسٹیشنز حدود میں ہوئے فسادات اور پرتشدد واقعات کے سلسلہ میں سوشیل ڈیموکریٹک پارٹی آف انڈیا (ایس ڈی پی آئی)، پاپولر فرنٹ آف انڈیا (پی ایف آئی) سے تعلق رکھنے والے 17 ملزمین کو گرفتار کرلیا۔

جاریہ سال 11 اگست کو بنگلور میں ہوئے فسادات اور پرتشدد واقعات کے سلسلہ میں این آئی نے مزید 17 ملزمین کو گرفتار کیا ہے جن کا تعلق پی ایف آئی اور ایس ڈی پی آئی سے بتایا جارہا ہے۔ این آئی اے نے اس کیس میں اب تک 187 ملزمین کو گرفتار کیا ہے۔

این آئی اے کے مطابق پلوکیشی نگر سے کانگریسی رکن اسمبلی سرینواس مورتی کے بھتیجے نوین کی فیس بک پر متنازعہ پوسٹ کے بعد 11 اگست کو بنگلور کے، کے جی ہالی پولیس اسٹیشن حدود میں بڑے پیمانہ پر ہنگامہ آرائی کی گئی تھی اور اب تک کی تحقیقات سے پتہ چلا ہے کہ ایس ڈی پی آئی کے رہنماؤں نے ہجوم کو پولیس اہلکاروں پر حملہ کرنے کےلیے مبینہ طور پر اکسایا تھا۔

این آئی اے کی تحقیقات میں ’فیس بک، انسٹاگرام، واٹس ایپ و دیگر سوشیل میڈیا ایپ کے ذریعہ لوگوں کے درمیان دہشت پھیلانے اور دور دراز سے لوگوں کو متحرک کرنے کا بھی انکشاف ہوا ہے۔ ایجنسی نے بتایا کہ اس معاملہ میں مزید تحقیقات جاری ہے۔

بنگلور فساد میں 3 افراد ہلاک جبکہ تقریباً 60 پولیس اہلکار زخمی ہوگئے تھے۔ پولیس نے تشدد بھڑکانے کے الزام میں 415 ملزمین کو گرفتار کیا تھا۔