Muslim Nomainda council protestمودی حکومت کی خاموشی سے اہانت رسول کے واقعات میں اضافہ

اورنگ آباد میں مسلم نمائندہ کونسل کے بینر تلے ملک میں ہو رہے توہین مذہب کے واقعات اور ٹی راجہ کے خلاف کارروائی کا مطالبہ کرتے ہوئے اورنگ آباد ڈویژنل کمشنر آفس کے روبرو احتجاج کیا گیا جس میں عوام کے ساتھ کثیر تعداد میں پولیس بھی موجود تھی۔Muslim Nomainda council protest

اورنگ آباد: حکومت کی سرد مہری اور خاموشی کی وجہ سے شرپسندوں کے حوصلے بلند ہورہے ہیں۔مسلمانوں کے مذہبی جذبات مجروح کرنے کا ایک سلسلہ جاری ہے۔شرپسندوں کے خلاف فوری کارروائی نہیں ہونے کی وجہ سے حالات قابو سے باہر ہوگئے تو اس کی ذمہ دار بھی حکومت ہوگی ۔مسلم نمائندہ کونسل کے سابق صدرضیا الدین صدیقی نے ان خیالات کا اظہار اورنگ آباد میں مسلم نمائندہ کونسل کے احتجاجی دھرنے سے خطاب کرتے ہوئے کیا۔ Muslim Nomainda council protest against T Raja

شہر میں کونسل کے اہتمام سے پیغمبر اسلام حضرت محمد صلی اللہ علیہ وسلم کی شان میں گستاخی کے مرتکب بی جے پی ایم ایل اے کے خلاف ایک روزہ دھرنا دیا گیا۔ ضلع پولیس کی جانب اس موقع پرسکیورٹی کے انتظامات کئے گئے تھے ۔مسلم نمائندہ کونسل نے ڈیژنل کمشنر کے توسط سے صدر جمہوریہ کو ایک مکتوب ارسال کیا ہے۔ ٹی راجا کی اسمبلی کی رکنیت کو ختم کرنے کا مطالبہ کیا گیا ہے۔

کونسل کے ذمہ داروں کا کہناہے کہ گستاخ نپور شرما کے خلاف ایکشن لے لیا جاتا تو راجا سنگھ کی ہمت نہیں ہوتی کہ وہ اس طرح کی ہمت کرسکے لیکن اس ملک میں شرپسندوں کوراحت دی جا رہی ہے اور انصاف کے علم برداروں کی لگام کسی جارہی ہے جو ملک کے مفاد میں نہیں ہے۔

مسلم نمائندہ کونسل کی جانب سے مرکزی حکومت سے مطالبہ کیا گیا ہے کہ جس طرح سے ملک کے ایک دوسرے مذہب پر نکتہ چینی کی جارہی ہے اور حالات کو خراب کرنے کی کوشش کی جارہی ہے اس پر سنجیدگی سے حکومت کو سوچنا چاہئے اور اس سلسلے کو ختم کیا جانا چاہئے۔