یادگیر میں 26 جنوری کو مشاعرہ

ریاست کرناٹک کے ضلع یادگیر میں 26 جنوری کے موقع پر مشاعرے کا اہتمام کیا جائے گا۔

یادگیر میں زرعی قوانین کے خلاف کسانوں کا احتجاج کی تائید میں 26 جنوری کو ملک بھر میں مختلف سیاسی اور غیر سیاسی تنظیمیں اپنے اپنے طور پر ٹریکٹر ریلی، بائیک ریلی ودیگر پروگرام کا اہتمام کر رہی ہے۔

اس سلسلے میں ریاست کرناٹک کے ضلع یادگیر میں انجمن ترقی اردو کی جانب سے ایک مشاعرہ بہ عنوان ایک شام یوم جمہوریہ کے نام منعقد کیا جا رہا ہے۔

ڈاکٹر رفیق سوداگر صدر انجمن ترقی یادگیر نے ای ٹی وی بھارت سے خصوصی بات کرتے ہوئے کہا کہ 26 جنوری بروز منگل بمقام گوگی فنکشن ہال یادگیر میں بعد نماز عشاء ایک مشاعرہ بہ عنوان ایک شام یوم جمہوریہ کے نام منعقد کیا جا رہا ہے۔

اس مشاعرے کی صدارت پروفیسر یوسف حسینی برادر سجادہ نشین گوگی شریف فرمائیں گے۔

اس مشاعرے میں ضلع گلبرگہ، رائچور، یادگیر کے مختلف تعلقہ کے شعرا کرام اپنا کلام پیش کریں گے۔

ڈاکٹر رفیق سوداگر نے مزید کہا کہ 26 جنوری کے دن مشاعرہ کا انعقاد کا واحد مقصد لوگوں میں امن و امان کے علاوہ جمہوریت کی بقا اور تحفظ کا پیغام پہنچانا ہے۔