اس ٹرسٹ کے سو سے زیادہ ارکان ہیں جو اپنی کمائی کا ایک حصہ ماہانہ جمع کرتے ہیں جسے ٹرسٹ کے ذریعے فلاحی کاموں میں استعمال کیا جاتا ہے۔
اجتماعی شادیوں سے غریب خاندانوں کی امداد ہند سٹیزین ٹرسٹ کے ذمہ داروں کا کہنا ہے کہ'' شہر بنگلور کے اطراف و اکناف میں انکی تنظیم کے ارکان سروے کر کے غریب خاندانوں کو تلاش کرتے ہیں اور ان گھروں میں طے شدہ رشتوں کی فہرست بناتے ہیں جس کے بعد سال میں ایک مرتبہ شہر بنگلور میں اجتماعی شادیوں کا ایک پروگرام منعقد کرتے ہیں''۔
اس طریقے سے یہ غریب خاندان شادیوں کو نہ صرف آسانی سے کر پاتے ہیں بلکہ جہیز کی لعنت سے بھی محفوظ رہتے ہیں۔
ٹرسٹ کے صدر اللہ بخش نے نامہ نگاروں سے بات کرتے ہوئے بتایا کہ ایک شادی کے لیے 98 ہزار روپیہ خرچ آتا ہے جو عطیات سے پورا کیا جاتا ہے۔
ان اجتماعی شادیوں میں ہر جوڑے کو اہم گھریلو اشیاء جیسے بستر، الماری، باورچی خانہ کی اشیاء دی جاتی ہیں جبکہ دلہن کے لیے 5 گرام سونا اور دولہا کے لیے ایک گھڑی بھی مہیا کی جاتی ہے۔
