محکمہ بلدیہ یادگیر کی جانب سے آج یوم ماسک کے طور پر یوم ماسک منایا گیا۔ محکمہ بلدیہ کی جانب سے شہر کے وارڈ نمبر ایک سے ماسک کی اہمیت پر ایک ریلی کا انعقاد عمل میں آیا۔
اس موقع پر اسسٹنٹ کمشنر یادگیر شنکر گوڑا رکن بلدیہ وارڈ نمبر ایک بابا سلیمان کے علاوہ محکمہ بلدیہ اور محکمہ صحت کے ذمہ داران نے شرکت کی۔
وارڈ نمبر ایک میں کورونا وائرس سے بچنے کے لیے احتیاطی اقدامات کے طور پر لوگوں میں معلومات فراہم کی گئی۔
اسسٹنٹ کمشنر شنکر گوڑا نے عوام سے خطاب کرتے ہوئے کہا کہ آج ریاستی حکومت کے احکامات کے مطابق ہم یوم ماسک کے طور پر شعور بیداری کے ذریعے عوام کو کورونا وائرس سے بچنے کے لئے احتیاطی اقدامات کے طور پر معلومات فراہم کر رہے ہیں۔
انہوں نے عوام سے اپیل کرتے ہوئے کہا کہ اپنے ہاتھوں کو بار بار صابن سے دھوئیں سینیٹائزر سے ہاتھ صاف کریں چہرے پر ماسک لگائیں اور سماجی فاصلہ ہر حال میں برقرار رکھیں۔ یہ تمام کام کرنا ہم سب شہریوں کی اولین شہری ذمہ داری ہے۔ اس موقع پر محکمہ صحت کے تحت کام کرنے والے آشا ورکرز نے وارڈ میں لوگوں کو ماسک تقسیم کیا۔