سیو کانسٹیٹیوشن کمیٹی کے عہدیداران نے ایک پریس کانفرنس کے دوران بتایا کہ ملک میں فسطائی و فرقہ پرست طاقتیں مسلمانوں کی آبادی پر جھوٹا پروپیگنڈہ کر رہی ہیں جو کہ ملک کے دستور، جمہوریت ہی نہیں بلکہ ملک کی سالمیت کے لیے بھی خطرہ ہے۔'
سیو کانسٹیٹیوشن کمیٹی کرناٹک کے سیکرٹری جنرل انیل کمار نے بتایا کہ اس سلسلے میں کہ ایک مخصوص سماج کی آبادی کے متعلق چلائے جارہے اس پروپیگنڈہ کو بے نقاب کیا جائے، سابق چیف الیکشن کمیشنر ڈاکٹر ایس وائے قریشی کی تصنیف "دا پاپیولیشن میتھ" کتاب کا اجراء بنگلور کے ہوٹل پراگ میں بتاریخ 26 ستمبر کو ایک اجلاس میں عمل میں لایا جارہا ہے۔ سابق الیکشن کمیشنر ڈاکٹر ایس وائے قریشی کی کتاب "دا پاپیولیشن میتھ" کی تقریب رونمائی آئندہ کل بنگلور میں منقد ہوگی۔ سیو کانسٹیٹیوشن کمیٹی کے کنوینر بسوراج مالگے نے بتایا کہ مذکورہ کتاب کا اجرا سابق مرکزی وزیر کے رحمان خان کے ہاتھوں عمل میں آئیگا اور اس موقع پر ریاستی اسمبلی کے سابق اسپیکر رمیش کمار و دیگر اہم لیڑران بھی موجود ہون گے۔' ڈاکٹر ایس وائے قریشی کی کتاب "دا پاپیولیشن میتھ" کی اجراء یاد رہے کہ ملک میں ہندوتوا طاقتیں مسلمانوں کی آبادی پر جھوٹ پھیلا رہی ہیں۔ جیسے سنہ 2050 میں مسلمانوں کی آبادی اس قدر ہوگی کہ ہندو کا ایک بھی وزیر اعظم نہیں ہوگا یا پھر مسلمان بھارت میں قابض ہون گے اور ہندوں اور ہندوئزم کے لیے خطرہ ہے۔
اس موضوع کو بے نقاب کرنے کے لئے سابق چیر الیکشن کمیشنر ڈاکٹر ایس وائے قریشی نے حکومت ہی کے ڈیٹا کے ذریعے اس بات کو ثابت کرنے کی کوشش کی ہے کہ ملک میں مسلمانوں کی آبادی پر جو کچھ بھی کہا جارہا ہے وہ صرف ایک پروپیگنڈہ ہے اور اس کا سچائی سے دور دور تک کوئی تعلق نہیں۔'
