گوری لنکیش قتل کیس: تحقیقاتی ٹیم کو 25لاکھ روپے کا انعام

کرناٹک حکومت نے صحافی گوری لنکیش کے قتل کی تحقیقات کے لیے خصوصی تحقیقاتی ٹیم (ایس آئی ٹی) کے ارکان کو 25 لاکھ روپے انعام دینے کا اعلان کیا ہے۔

قتل کا پتہ لگانے کے لیے ٹیم کو نقد انعام دینے کا فیصلہ کیا گیا ہے۔

ایس آئی ٹی گوری لنکیش کے قتل کی تحقیقات کر رہی ہے۔ایس آئی ٹی نے 24 نومبر کو سٹی کورٹ میں دائر چارج شیٹ میں سناتن سنستھا کے نام ذکرکیاتھا۔

ایس آئی ٹی نے یہ بھی کہا تھا کہ اس کیس کے 18 ملزمین ایک سنڈیکیٹ گروہ کے سرگرم رکن ہیں۔
واضح رہے کہ معروف صحافی گوری لنکیش کو ان کے گھر بنگلور میں 5 ستمبر 2017 کو قتل کردیا گیا تھا۔
ایس آئی ٹی کے مطابق سنڈیکیٹ کے اراکین شتردھرم سادھنا کے اصول وضوابط پر سختی سے عمل کرتے تھے۔

سناتن سنستھا نے ایس آئی ٹی کے قتل کے الزامات کو بے بنیاد بتایا ہے۔