Khidmat Foundation کرناٹک میں چار فیصد مسلم ریزرویشن ختم کیے جانے کی مخالفت

کرناٹک حکومت کی جانب سے مسلمانوں کو ملنے والے چار فیصد ریزروریشن کو ختم کیے جانے کے اعلان کے بعد مسلمانوں میں زبردست ناراضگی پائی جا رہی ہے۔ مسلمانوں نے حکومت کے خلاف غم وغصے کا اظہار کیا۔اقلیتی طبقے کے لوگوں کا کہنا ہے کہ بی جے پی کی قیادت والی ریاستی حکومت مسلمانوں کو ہدف بنا رہی ہے۔Khidmat Foundation

بیدر: برسر اقتدار بی جے پی کی بومئ حکومت نے مسلمانوں کو دیے جانے والے چار فیصد ریزرویشن کے ختم کرنے کا اعلان کیا ہے۔ ریاستی حکومت کے اس اعلان کے بعد ہی مسلمانوں میں عجیب سی بے چینی دیکھی جا رہی ہے۔ بی جے پی کی نگرانی والی حکومت نے حجاب ہلال، اذان جیسے حساس معاملات کو اٹھا کر ایک مخصوص فرقے کو نشانہ بنانے کا کام کیا ہے۔

بیدر میں خدمت فاؤنڈیشن کے چیئرمین سید منصور احمد قادری نے کہا کہ 'انتخابات سے قبل بی جے پی کی قیادت والی ریاستی حکومت نے مسلمانوں کو روزگار اور تعلیم میں دیے جانے والے چار فیصد ریزرویشن کو ختم کرنے کا اعلان کیا ہے۔ یہ چار فیصد دو دیگر طبقات کو دینے کا اعلان بھی کیا ہے۔ بی جے پی کی حکومت کے اس اعلان کے ساتھ ہی مسلمانوں میں ناراضگی پائی جارہی ہے۔'

سید منصور احمد قادری نے میڈیا سے بات چیت کرتے ہوئے کہا کہ حکومت نے مسلمانوں کو دیے جانے والے چار فیصد ریزرویشن کو ختم کرنے کا اعلان کر کے یہ دکھا دیا ہے کہ وہ مسلمانوں کے ساتھ کتنا ہمدردی رکھتی ہے۔ انہوں نے کہاکہ بی جے پی حکومت کا نعرہ سب کا ساتھ سب کا وکاس ایک کھوکھلا نعرہ ہے۔ بی جے پی حکومت کے کہنے اور کرنے میں زمین آسمان کا فرق ہے۔ مسلمانوں نے کبھی کسی فرقے کو ریزرویشن دینے کے خلاف آواز نہیں اٹھائی باوجود اس کے مسلمانوں کو دیے جانے والا صرف چار فیصد ریزرویشن کو بھی ختم کر دیا گیا۔