Khidmat Foundation Karnataka Election ریاست میں یکجہتی کو قائم رکھنا ہر شہری کی ذمہ داری

بیدر میں واقع سماجی ادارہ خدمت فاؤنڈیشن کے چیئرمین سید منصور احمد قادری نے کہا کہ ریاست میں بھائی چارہ اور قومی یکجہتی قائم رکھنے کی ذمہ داری ہر شہری پر عائد ہوتی ہے۔ اسمبلی انتظامات کے پش نظر لوگوں کو سوچ سمجھ کر بات کرنے کی ضرورت ہے۔Reaction On upcoming Assembly Election In Karnataka

بیدر: ریاست کرناٹک میں اسمبلی انتخابات کی تاریخ جوں جوں قریب آ رہی ہے توں توں سیاسی گہماگہمی تیز ہوتی جا رہی ہے۔ تمام سیاسی جماعتیں ووٹرز کی توجہ اپنی اپنی جانب مبذول کرانے کی کوشش میں مصروف ہیں۔ اسی درمیان سماجی تنظیمیں بھی عام لوگوں کے درمیان انتخابات کے لئے بیداری مہم چلانے میں مصروف ہیں۔لوگوں کو ان کے ووٹ کی اہمیت سے آگاہ کرنے کی کوشش کی جا رہی ہے۔

اسی درمیان بیدر میں واقع سماجی ادارہ خدمت فاؤنڈیشن کے چیئرمین سید منصور احمد قادری نے کہاکہ ریاست میں بھائی چارہ اور قومی یکجہتی قائم رکھنے کی ذمہ داری ہر شہری پر عائد ہوتی ہے۔اسمبلی انتظامات کے پش نظر لوگوں کوسوچ سمجھ کر بات کرنے کی ضرورت ہے۔ خدمت فاؤنڈیشن کے چیئرمین سید منصور احمد قادری نے کہا کہ برسراقتدار پارٹی اپنے دور میں اپنی ذمہ داری کو ٹھیک ڈھنگ سے نبھائی ہوتی اس کے بارے میں سوچا جا سکتا تھا۔لیکن اس نے ایسا کچھ نہیں کیا ہے جس پر غور و فکر کی جائے ۔

انہوں نے کہاکہ بی جے پی کے دور میں ترقیاتی کام نہیں ہوئے ،حکمراں جماعت امن و امان اور قومی یکجہتی قائم رکھنے میں ناکام رہی ہے۔حکومت کئی محاذ پر پوری طرح سے ناکام ثابت ہوئی ہے۔ ان کاکہنا ہے کہ انتخابات کی تاریخ کے اعلان سے پہلے ہی حکمراں جماعت بی جے پی خوف میں مبتلا ہے۔بی جے پی کے رہنما انتخابات کو لے کر بوکھلاہٹ کے شکار ہیں۔ سید منصور احمد قادری نے مزید کہا کہ کئی لیڈر غیر ذمہ دارانہ بیان بازی کرتے ہوئے ریاست میں ہندوں مسلمانوں کے درمیان نفرت پھیلانے کا کام کر رہے ہیں جبکہ تاریخ گواہ ہے کہ ریاست کرناٹک میں ہندو اور مسلمان امن و امان اور یکجہتی کے ساتھ زندگی گزر بسر کرتے آرہے ہیں۔