Karnataka Assembly Election مجھے یقین ہے پارٹی مجھے ٹکٹ دے گی، رؤف الدین کچہری والا

ریاستی حج کمیٹی کے چیئرمین رؤف الدین کچہری والا کو امید ہے کہ ان کی پارٹی بی جے پی انہیں اسمبلی انتخبات 2023 میں قسمت آزمانے کا موقع دے گی۔ وہ پارٹی کے ٹکٹ پر اس مرتبہ انتخابات لڑنے کے لیے پر امید ہیں۔ State Hajj Committee Chairman Hopeful for BJP Ticket

بیدر: کرناٹک ریاستی حج کمیٹی کے چیئرمین رؤف الدین کچہری والا نے میڈیا سے بات کرتے ہوئے کہا کہ ہاں میں نے بیدر شہر سے اسمبلی ٹکٹ کے لئے درخواست دی ہے۔ وہ پرامید ہیں کہ اس مرتبہ انہیں ٹکٹ ملے گا۔ انہوں نے کہا کہ میں گزشتہ 27 برسوں سے بی جے پی پارٹی میں کارکن کی حیثیت سے مسلسل کام کر رہا ہوں۔ کئی بار مجھے اپنے ہی لوگوں سے ناراضگی کا سامنا بھی کرنا پڑا لیکن میں نے پارٹی نہیں چھوڑی۔ ہر پارٹی میں اچھے اور برے لوگ ہوتے ہیں کوئی بھی پارٹی بری نہیں ہوتی ۔

ان کا کہنا ہے کہ بی جے پی پارٹی کے قومی و ریاستی اقلیتی قائدین کی موجودگی میں میں نے بیدر شہری اسمبلی حلقے سے ٹکٹ کے لئے درخواست دی ہے۔ گزشتہ بار بھی میں نے ٹکٹ کے لئے درخواست دی تھی۔مجھے یقین ہے کہ پارٹی مجھے میری کارکردگی کی بنیاد پر ٹیکٹ دے گی کیونکہ پارٹی نے جب کبھی جو بھی ذمہ داری مجھے دی ہے میں نے اس کو بخوبی نبھایا ہے۔

بی جے پی کے رہنما نے کہا کہ بی جے پی کا نعرہ ہی ہے کہ سب کا ساتھ سب کا وکاس سب کا وشواس تو مجھے اپنی پارٹی پر پورا وشواس ہے کہ پارٹی مجھے اس بار ضرور ٹکٹ دے گی۔میں بھی پارٹی کی امید پر کھرا اترنے کی کوشش کروں گا۔

کیا اسمبلی انتخابات میں اس بار بی جے پی مسلمانوں کو ٹکٹ دے گی کہ اس سوال پر رؤف الدین کچہری والا نے کہاکہ پارٹی شخصیت اور کام کو دیکھ کر ٹکٹ دیتی ہے۔مجھے یقین ہے کہ اس مرتبہ بیدر سے میں ہی بی جے پی کا امیدوار ہوں گا۔