گلبرگہ: یوم عاشورہ کے ماتمی جلوس میں کم لوگوں کی شرکت

ریاست کرناٹک کے گلبرگہ شہر میں شیعہ تنظیموں کے جانب اس سال یوم عاشورہ کا ماتمی جلوس مختصر انداز میں نکالا گیا۔

ہر سال گلبرگہ شہر میں بڑے پیمانے پر ماتم جلوس نکلا جاتا تھا جبکہ یہ جلوس تماپور سرکل، جگت سرکل اور دیگر علاقوں سے گذرتا تھا لیکن اس سال کورونا وبا کی وجہ سے عاشورہ کے دن جلوس، عاشورخانوں اور مجالس میں بہت ہی کم لوگوں نے شرکت کی۔

اس موقع پر مولانا شیخ محمد حاجی نے بتایا کہ امام حسینؓ کی شہادت کا غم رہتی دنیا تک جاری رہے گا اور کربلا میں حضرت حسینؓ نے حق و انصاف کےلیے قربانی دی تھی۔ مولانا شیخ محمد حاجی نے کہا کہ امام حسینؓ کی شہادت پر ماتم کرکے ان سے محبت اظہار کیا جاتا ہے۔