ریاست کرناٹک کے ضلع یادگیر کے محکمہ بلدیہ کے کمشنر بکپا نے میڈیا سے بات کرتے ہوئے شہریاران یادگیر سے اپیل کرتے ہوئے کہا کہ اپنے اپنے گھروں کا ٹیکس ادا کریں۔
انہوں نے کہا کہ اسی طرح نل کے پانی کا بل بھی محکمہ بلدیہ کو ادا کریں تاکہ بلدیہ شہر کے عوامی بنیادی ضرورتوں کو وقت پر پورا کرے۔
انہوں نے کہا کہ شہر میں مسلسل بارش کے بعد پینے کا پانی کا مسئلہ پیدا ہوا ہے بہت سے حلقوں سے پانی کے مسائل کو لے کر ہر روز فون آتے ہیں انہوں نے کہا کہ جیسا ہی بھیما ندی کے پانی کی سطح میں کمی ہوگی اس کے ساتھ ہی پینے کے پانی اور واٹر فلٹر بیڈ کو پانی دستیاب کرنے میں کوئی دشواری نہیں ہوگی۔
انہوں نے کہا کہ شہر میں24/7 گھنٹے پانی کی سربراہی بھی کچھ ہی محلہ جات میں جاری ہے بہت جلد شہر کے تمام حلقہ جات میں24/4 پانی کی سروس بحال کی جائے گی۔