سی ڈی اسکینڈل: کرناٹک کے ریاستی وزیر مستعفی

سی ڈی اسکینڈل معاملہ میں کرناٹک کے آبی وسائل کے وزیر رمیش جارکیہولی نے استعفیٰ دے دیا ہے۔ ایک سماجی کارکن نے ان کے خلاف جنسی ہراسانی کا الزام عائد کرتے ہوئے ان کے خلاف شکایت کی تھی۔

کرناٹک کے آبی وسائل کے وزیر رمیش جارکیہولی نے استعفیٰ دے دیا ہے۔ بتایا جاتا ہے کہ انہوں نے وزیر اعلیٰ کو اپنا استعفیٰ بھیجا ہے۔

دراصل ان کے خلاف سماجی کارکن دنیش کلہلی نے شکایت درج کرائی تھی۔ ایک سی ڈی میں مبینہ طور پر وہایک خاتون سے جنسی تعلقات بنانے کے لیے کہتے دیکھے گئے ہیں۔

معاملے میں کرناٹک کے آبی وسائل کے وزیر رمیش جارکیہولی نے صفائی بھی دی تھی کہ 'یہ فرضی ویڈیو ہے۔ میں خاتون اور شکایت کنندہ کو نہیں جانتا۔ میں میسور میں تھا اور چامنڈیشوری مندر گیا تھا۔'