کرناٹک ڈرگ معاملہ:سنجنا راگنی کی ضمانت عرضی پر سماعت ملتوی

ریاست کی وزارت داخلہ کے تحت سی سی بی نے متعدد اسمگلروں کو گرفتار کیا ہے اور ان کے پاس سے کثیر مقدار میں منشیات ضبط کی گئی ہیں۔

کرناٹک کے دارالحکومت بنگلور کی مقامی عدالت نے ہفتہ کو ڈرگ اسمگلنگ معاملہ میں گرفتار اداکارہ سنجنا گلرانی اور راگنی دویدی کی ضمانت عرضی پر سماعت 21 ستمبر تک ملتوی کردی۔

اس معاملہ کی آج سماعت ہوئی لیکن اس دوران عدالت میں سنیٹرل کرائم برنچ کی جانب سے پیش ہوئے سرکاری وکیل نے اس معاملہ میں چارج شیٹ دائر کرنے کے لیے دوروز کا وقت طلب کیا.دونوں اداکاراؤں کو یہاں کی پرپنا اگرہارا جیل بھیج دیا گیا ہے۔

نارکوٹکس ڈرگ اینڈ سائیکوٹراپک سبسٹینس(این ڈی پی ایس)ایکٹ کے معاملات کی خصوصی عدالت نے گزشتہ ہفتہ کو اداکارہ سنجنا گلرانی اور سافت ویئر انجینئر سے ڈرگ اسمگلر بنے پرتیک شیٹی کو 30ستمبر تک عدالتی تحویل میں بھیج دیا تھا۔

اس معاملہ میں راگنی اور چھ دیگر ملزمان 27 ستمبر تک عدالتی تحویل میں ہیں۔ اس درمیان ریاستی حکومت نے سی سی بی پولیس کو اس معاملہ کی تفتیش کے لیے پوری چھوٹ دے دی ہے۔

ریاست کی وزارت داخلہ کے تحت سی سی بی نے متعدد اسمگلروں کو گرفتار کیا ہے اور ان کے پاس سے کثیر مقدار میں منشیات ضبط کی گئی ہیں۔