'مرکزی حکومت روزگار دینے میں ناکام'

ریاستی کانگریس کے سینئر رہنما وینکٹ ریڈی نے بی جے پی کی قیادت والی مرکزی حکومت کے ایک سال مکمل ہونے پر تنقید کرتے ہوئے کہاکہ ملک میں بے روزگاری میں اضافہ ہوا ہے۔

مرکزی حکومت کی دوسری معیاد کے ایک سال مکمل ہونے پر ریاست کرناٹک پردیش کانگریس کے قائد وینکٹ ریڈی نے بی جے پی کی قیادت والی مرکزی حکومت پر جم کر تنقید کی۔

مرکزی حکومت روزگار دینے میں ناکام

انہوں نے کہاکہ مرکزی حکومت کی دوسری معیاد کے ایک سال سال گزشتہ پانچ سالوں کی طرح ناکام رہے۔ بی جے پی کی قیادت والی مرکزی حکومت نے باتوں باتوں میں ملک کو ترقی یافتہ بنا دیا ہے لیکن حقیقت یہ ہے کہ بے رزگاری سمیت متعدد مسائل کے حل کے لئے کوئی کام نہیں کیا گیا ہے۔

انہوں نے کہا کہ گزشتہ پانچ سالوں کے دوران کیے گئے وعدے اس بار بھی پورے نہیں ہوئے۔ اس حکومت سے زیادہ امید نہیں کرسکتے ہیں۔

کانگریسی رہنما کاکہنا ہے چاہے وہ غریبوں کے اکاؤنٹ میں پیسے ڈالنے کی بات ہو، بلاک منی لانے کی بات ہو، بے روزگاروں کو روزگار دینے کی بات ہو، کوئی وعدہ آج تک پورا نہیں ہوا ہے۔

ایک سال کے دوران مرکزی حکومت نے ملک کے لئے کیا کیا وہ عام بھارتیوں کے سامنے ہے ۔ حکومت چا ہے جو کچھ بھی کہہ لے حقیقیت لوگوں کے سامنے ہے اس پر پردہ ڈالا نہیں جا سکتا ہے۔

انہوں نے کہا کہ مرکزی حکومت کے پاس مزید چار سال ہیں اگر مرکزی حکومت ملک کو ترقی دینا چاہتی ہے تو وعدے نہیں کام کرے۔