ریاست کرناٹک کے ضلع بیدر کے وزیر پربھو چوہان نے کہا کہ ریاستی حکومت نے جس طرح سے کووڈ پر قابو پانے کے لیے مؤثر اقدامات کیے ہیں اسی طرح ریاستی حکومت نے بلیک فنگس کے لیے بھی موثر اقدامات کرنے کی ہدایت ضلعی انتظامیہ کو دی ہے۔
حکومت کی ہدایت کے مطابق بیدر میں بھی بلیک فنگس پر قابو پانے اور علاج کے لیے ضلعی انتظامیہ نے بہتر انتظامات پر زور دیا ہے۔
انہوں نے کہا کہ ڈاکٹرز کو ہدایت دی گئی ہے کہ وہ بلیک فنگس کے علاج پر توجہ دیں، تاکہ ایک بھی بلیک فنگس سے متاثر فرد علاج کے لیے بیدر سے باہر نہ جائے۔
بیدر انسٹی ٹیوٹ آف میڈیکل سائنس میں بلیک فنگس متاثرین کے لیے علاج کا بہترین انتظام کر دیا گیا ہے۔
انہوں نے کہا کہ بیدر ضلع کے لوگوں میں بھی کووڈ جانچ کے لیے کووڈ متاثرین کے علاج کے لئے ڈاکٹرز اور دیگر طبی عملہ کو گاؤں کا دورہ کرنے کی ہدایت دی گئی ہے۔
