کرناٹک کے محکمہ صحت میں کانٹریکٹ کے طور پر کام کرنے والے ملازمین نے مختلف مطالبات کو لے کر خاموش احتجاج کیا۔ اس سے قبل انہوں نے کورونا وائرس سے مرنے والے لوگوں کی یاد میں دو منٹ کی خاموشی کے ساتھ انہیں خراج عقیدت پیش کیا۔
محکمہ صحت اور خاندانی بہبود اور محکمہ طبی تعلیم کے کانٹریکٹ اور نان کانٹریکٹ ملازمین ایسوسی ایشن کے ریاستی صدر وشوا رادھے نے کہا کہ 'ضلع یادگیر میں تقریبا 600 سے زائد کانٹریکٹ ملازمین ہیں ان تمام کو پرمٹ کیا جائے یہ لوگ کئی سالوں سے اپنی خدمت انجام دے رہے ہیں، باوجود اس کے ان کی تنخواہ نہایت ہی کم ہے۔