ریاست کرناٹک کے گلبرگہ ضلع میں کورونا مریضوں کی تعداد میں ہر روز اضافہ دیکھا جارہا ہے ۔کورونا پازیٹومریضوں کے لیے اسپتالوں میں آکسیجن کی کمی اور بیڈس کی قلت کو دیکھتے ہوئے گلبرگہ شہر کے کل 22 تنظیموں نے مل کر ایک ساتھ گلبرگہ این جی اوس فیڈریشن کے بینر تلے الگ الگ گروپ تشیکل دے کر کورونا مریضوں کے لئے چوپیس گھنٹے اپنی خدمات انجام دے رہی ہے ۔
کورونا متاثرین کے لئے گلبرگہ این جی اوس فڈریشن کی مثالی خدمات ان میں ایک گروپ مریضوں کے لئے اسپتالوں بیڈس کی سہو لت فراہم کرنے اور دوسرا گروپ آکسیجن، تیسرا گروپ کھانے کی سہولت اور چوتھا ایمبولنس کی سہولت فراہم کرنے کی کوشش کر رہا ہے ۔
اس موقع پر گلبرگہ این جی اوس کے ذمہ دار عبدالر حیم پٹیل نے ای ٹی وی بھارت کو بتا تے ہوئے کہا کہ گلبرگہ میں یہ این جی او بڑی ذمہ داری سے اپنی خدمات کو دن رات انجام دے رہا ہے ۔اس میں دیگر پارٹیوں کے ذمہ دار، دیگر سماجی تنظمیں اور ڈاکٹرس مل کر اپنی خدمات کو انجام دے رہے ہیں۔جس میں محکمہ پولیس افسران کے جانب سے پورا تعاون مل رہا ہے ۔
لیکن انہیں ضلع انتظامہ سے پورا تعاون نہیں مل رہا ہے، اس لئے انہوں نے ضلع انتظامہ سے مطالبہ کیا ہے کہ گلبرگہ میں نجی اسپتالوں میں سرکاری کوٹے کی پوری سہولت فراہم کریں ۔تاکہ اس این جی او کے ذریعے غریب مریضوں کو بھی نجی اسپتالوں میں بھرتی کر کے مناسب علاج کی سہولت مل سکے۔
