گزشتہ تین مہینوں سے گلبرگہ کے جم اور فٹنس سینٹر بند ہیں۔ جم فٹنس سینٹر ایسوسی ایشن کی جانب سے گلبرگہ ضلع کمشنر آفیس کے سامنے جم اور فیٹنس سینٹر کو کھولنےکی اجازت دی جانے کا مطالبہ کر تے ہوئے مرکزی اور ریاستی حکومت کو میمورنڈم پیش کیا گیا۔
اس موقع پر جم اور فٹنس سینٹر ایسوسی ایشن کے رکن شیخ پرویز نے ای ٹی وی بھارت سے بات کرتے ہوئے کہا کہ کورونا سے لڑنے کے لیے انسان کا صحت مند ہونا بہت ضروری ہے، جس کے لیے روزانہ ورزش کرنا چاہیے۔
انہوں نے کہا کہ جم اور فٹنس سینٹر گزشتہ تین مہینوں سے بند ہیں۔ جس کا کرایہ ادا کرنا مشکل ہورہا ہے، لاک ڈاؤن کے بعد کاروبار کھولنے کی اجازت دی گئی ہے، لیکن جم اور فٹنس سینٹر کو نہیں دی گئی، اس لیے ریاستی و مرکزی حکومت سے مطالبہ کرتے ہیں کہ جم اور فٹنس سینٹر کھولنے کی اجازت دی جائے۔
