کرناٹک کے سووروبہ گاوں میں ایک کسان چندانندا گوڈا نے فصلوں کو جانوروں سے بچانے کے لیے اپنی آواز کے ساتھ ساتھ کتوں کے بھونکنے کی آواز کو ریکارڈ کیا اور اسے ایک مائیکرو چپ میں ڈال کر کھیتوں میں لاؤڈ اسکیپر پر چلانا شروع کیا ہے۔
چندانندا گوڈا کی اس حکمت عملی نے جانوروں کو کھیتوں سے دور رکھا ہوا ہے۔ گاؤں کے کسانون کی طرف سے بندروں و دیگر جانوروں سےاپنی فصلوں کو بچانے کے لیے بہت کوششیں کی گئی تھی لیکں سب ناکام رہیں۔
بلآخر اس کسان نے یہ انوکھا طریقہ نکالا ہے جس سے وہ اپنی فصلیں جانوروں سے بچا رہا ہے۔اس کا یہ طریقہ بالکل انوکھا اور سستا ہے۔
کسان چندا نندہ گوڈا نے بتایا 'ہمارے علاقے میں ہرن، بندر، جنگلی سور ہماری فصلوں کو تباہ کر دیتے ہیں،اندازہ لگائیں تو تقریباً ہماری 30 فیصد فصل جانور تباہ کر دیتے تھے۔ جس کے بعد میں نے یہ طریقہ اختیار کیا، جس سے میں اپنی آواز اور کتوں کے بھونکنے کی آواز ریکارڈ کر کے کھیتوں میں لاؤڈ اسپیکر پر بجاتا ہوں جس سے جانور کھیتون میں نہیں آتے۔
کسان کا کہنا ہے کہ ان کا یہ طریقہ بالکل سستا اور ٹکاو ہے، اس کے ساتھ ساتھ یہ جانوروں کو نقصان نہیں پہنچاتا ہے۔
واضح رہے کہ بھارت میں چندانندا گوڈا جیسے بہت سارے لوگ ہیں جنہوں نے اپنی سوچ کے مطابق انوکھی چیزوں کو دنیا کے سامنے لایا ہے ۔ کچھ سال پہلے ایک ویڈیو وائرل ہوئی تھی جس میں ایک لائن مین نے بجلی کے کھمبے پر چڑھنے کے لیے ایک چپل بنائی تھی جس کی مدد سے کوئی بھی انسان کھمبے پر چڑھ سکتا ہے۔
