شیعہ جماعت کی انجمن امامیہ کے انتخابات و قوم کے توقعات

ریاست کرناٹک میں شیعہ جماعت کی سماجی تنظیم 'انجمن امامیہ' کی تین سالہ میقات کے اختتام پر سکریٹری کی جانب سے ٹرم رپورٹ پیش کی گئی اور نئی کمیٹی کے انتخابات منعقد ہوئے۔

انجمن امامیہ کے انتخابات کے لیے شہر بنگلور کی تقریباً 25 ہزار شیعہ برادران کی آبادی میں مجموعی چور پر 2400 ووٹرز ہیں جن میں سے اس بار تقریباً 75 فیصد لوگوں نے ووٹنگ میں حصہ لیا۔ انتخابات میں پریسیڈینشیل عہدے کے لیے 2 اور 13 ارکان کے لیے 26 امیدوار میدان میں تھے۔

اس موقع پر ای ٹی وی بھارت سے شیعہ برادران و خواتین ووٹرز نے نئی کمیٹی سے توقعات کا اظہار کیا کہ مسلم نوجوانوں کی مسابقتی امتحانات کی شرکت کو فروغ، سینیئر سٹیزنس کے لیے پینشن جیسے اقدامات کئے جائیں گے۔

شیعہ برادران نے نو منتخب کمیٹی سے مطالبہ کیا کہ وہ اوقافی جائیدادوں کے صحیح مصرف پر بھی زور دے اور سیاسی میدان میں اپنا شئیر حاصل کرنے کی کوشش کرے تاکہ اس سے شیعہ قوم کی ترقی ممکن ہو۔

انتخابات میں سید ضامن رضا کو کمیٹی کا نیا صدر منتخب کیا گیا۔