یادگیر میں آثار محلہ کی مسجد آثار شریف میں باجماعت عاشورہ کی نماز ادا کی گئی جبکہ اس موقع پر امام و خطیب مولانا شفیق احمد نے یوم عاشورہ کی اہمیت پر روشنی ڈالی اور مسلمانوں کو اس دن خوب عبادت کرنے کی تلقین کی۔
انہوں نے یوم عاشورہ کے روز روزہ رکھنے کی فضیلت بیان کرتے ہوئے کہا کہ دو روزے (نو اور دس یا دس اور گیارہ محرم کو) رکھنا چاہئے۔ انہوں نے نمازوں کی پابندی کی بھی تلقین کی۔
مولانا شفیق احمد نے بتایا کہ کربلا سے ہمیں صبر اور استقامت کا پیغام ملتا ہے اور اس پیغام کو اپناتے ہوئے دین اور دنیا میں کامیابی حاصل کی جاسکتی ہے۔ اس موقع پر مسجد آثار شریف کے صدر عبدالسلیم سگری، اسرار احمد صدر درگاہ شرف الدین بابا یادگیر، عبدالقدیر، ابرار احمد اور دوسرے موجود تھے۔
