'پردہ عورت کی ڈھال ہے'

ریاست  کرناٹک کے ضلع بیدر کے رحمت فنکشن ہال میں عالمی تحریک  دعوت اسلامی کی جانب سے یک روزہ سنی اجتماع برائے خواتین کا اہتمام کیا گیا۔

اس موقع پر مہمان مقرر عالمہ امینہ ناز برکاتی گلبرگہ نے دور حاضر میں پردے کی اہمیت پر خطاب کرتے ہوئے کہا کہ 'پردہ عورت کی ڈھال ہے۔'

انہوں نے پردہ کی اہمیت پر روشنی ڈالی اور کہا کہ 'آج پردہ عورت کی شناخت بن گئی ہے۔ اگر ہم اپنی تہذیب اپنے کلچر سے دور ہو گئے تو زمانے بھر میں رسوا ہوں گے۔'

اس موقع پر عالمہ صفورہ ناز نے ای ٹی وی بھارت سے بات کرتے ہوئے کہا کہ معاشرے کی اصلاح وقت کی اہم ضرورت ہے۔

موجودہ دور میں خواتین کو دین سے جوڑنا ہیں اس جلسہ کا اہم مقصد ہے.

انہوں نے کہا کہ سنی دعوت اسلامی کی جانب سے مرد و خواتین کا ہرماہ بیدر میں اجلاس منعقد ہوتا ہے۔

انہوں نے خواتین سے اپیل کی کہ اس تحریک سے وابستہ ہوکر اپنی دین و دنیا دونوں کو کامیاب بنائیں.

اس موقع پر سنی دعوت اسلامی شاخ بیدر کے ذمہ داران کے علاوہ خواتین کی کثیر تعداد موجود رہے۔