کرناٹک: بارش کے سبب مزدور پریشان

ریاست کرناٹک کے ہبلی شہر میں ایک ہفتے سے مسلسل بارش ہونے کی وجہ سے 200 سے زائد مزدور پریشان ہیں۔

ہبلی میں موسلادھار بارش سے چورمورے بھٹیوں میں پانی داخل ہونے کی وجہ سے بھٹیاں گر گئی ہیں۔

اس موقعے پر چورمورے بھٹی کے مزدور محمد اقبال رام درگ نے ای ٹی وی بھارت کو بتایا کہ 'ریاست کرناٹک کے وزیراعلیٰ بی ایس یدی یورپا نے سیلاب متاثرین کو دو ہزار روپے مالی امداد دینے کا اعلان کیا تھامگر اب تک کسی طرح کی مدد نہیں کی گئی ہے۔'

لوگوں کا کہنا ہے کہ 'ایچ ڈی ایف سی افسران اور مقامی رکن اسمبلی پرساد اوبھایا نے اب تک متاثرین سے ملاقات نہیں کی ہے اور نہ ہی ان کا حال دریافت کیا ہے۔'

انہوں نے حکومت سے ان کے مسائل کو حل کرنے کا مطالبہ کیا ہے۔