گلبرگہ: آکسیجن بیڈ کے لیے کورونا کے مریض کو گھنٹوں انتظار کرنا پڑا

گلبرگہ میں کورونا کے مریض کو جمیس اسپتال میں آکسیجن بیڈ نہیں ملنے پر گئی گھنٹوں تک اسپتال کے باہر ہی انتظار کر نا پڑا۔

کرناٹک کے گلبرگہ شہر میں کورونا متاثرین کی تعداد میں دن بدن اضافہ دیکھا جا رہا ہے۔ حالت یہ ہے کہ کورونا متاثرین کو اسپتالوں میں آکسیجن بیڈ ملنا مشکل ہوگیا ہے۔

چیتاپور تعلقہ نلوار دیہات کے کورونا کے ایک مریض کو آکسیجن بیڈ نہیں ملنے پر یہاں جمیس اسپتال کے باہر کئی گھنٹوں تک انتظا ر کر تے ہوئے دیکھا گیا۔

اس موقع پر مریض کے رشتہ دار نے بتایا کہ یہ شام 7 بجے سے رات 11 بجے تک اسپتال میں آکسجن بیڈ نہیں ملنے کی وجہ سے مریض کو رات بھر انتظار کر نا پڑا۔

اس موقع پر سماجی کارکن یونس خان نے کہا کہ غریب عوام سرکاری اسپتال میں آکسیجن بیڈ کی سہولت نہیں ملے گی تو یہ اپنا علاج کیسے کراسکیں گے؟ پرائیویٹ اسپتالوں کورونا مریضوں کے علاج کے لیے ہزاروں کی رقم لی جارہی ہے۔ اس لیے ضلع انتظامہ اگر سرکاری اسپتال میں آکسیجن بیڈ نہیں ہے تو انھیں سرکاری اسکیم کے تحت پرائیویٹ اسپتالوں میں مفت علاج کہ سہولت فراہم کریں۔

ساتھ ہی انہوں نے مطالبہ کیا کہ اسپتالوں میں مریضوں کے بیڈ آکسیجن، ریمیڈیسیویر انجکشن کی سہولت فراہم کی جائے۔