'سیاسی بحران کے لیے بی جے پی ذمہ دار'

کانگریس کے سینئر رہنما ملکارجن کھڑگے نے کرناٹک میں جاری سیاسی بحران کے لیے بی جے پی کی مرکزی قیادت اور مرکزی حکومت کو ذمہ دار قراردیتے ہوئےکہا ہے کہ وہ ریاست کے جمہوری طور پر منتخب حکومت کو غیر مستحکم کرنے کی کوشش کررہی ہے۔

ملکارجن نے یہ امید بھی ظاہر کی ہے کہ کانگریس اور جنتا دل (سیکولر) کے جن اراکین اسمبلی نے استعفیٰ دیا ہے، وہ ایک بار اپنے فیصلہ پر غور كریں گے۔

کھڑگے نے اتوار کو یہاں صحافیوں سے کہا’’میں ان غیر مطمئن ممبران اسمبلی سے ملنے کی کوشش کر رہا ہوں اور ان کی شکایات پر غور کروں گا‘‘۔

انہوں نے کہا کہ ان اراکین اسمبلی کے استعفی کے پیچھے مرکز کی بی جے پی حکومت اور ریاست کے بی جے پی رہنما ہیں اور یہ بات بالکل عیاں ہے کہ ان غیر مطمئن اراکین اسمبلی کو چارٹرڈ طیارے سے کرناٹک سے ممبئی منتقل کر دیا گیا اور اس کا پورا انتظام بی جے پی رہنماؤں نے کیا تھا۔