تیل کی بڑھتی قیمتوں کے خلاف کانگریس کا پر زور احتجاج

آئے دن تیل کی قیمتوں میں ہورہے اضافے کے خلاف آج بنگلورو ضلع کانگریس کی جانب سے بڑے پیمانے پر شہر کے میسور سرکل پر احتجاجی مظاہرہ منعقد کیا گیا جس میں ریاستی کانگریس کے رہنماؤں کے علاوہ عوامی نمائندوں نے بھی شرکت کی۔

احتجاج میں بڑی تعداد میں خواتین نے بھی شرکت کی اور خواتین نے لکڑی کے چولہے جلا کر مودی حکومت کی جانب سے ایل پی جی کے قیمتوں میں اضافے کی مذمت کی۔

اس موقع پر کانگریس کے رہنماؤں نے کہا کہ مرکز میں بی جے پی حکومت ہر اعتبار سے ناکام ہوچکی ہے کہ اس کے اقتدار میں مہنگائی کی مار ظلم کے مترادف ہے۔

ایک طرف جہاں کووڈ - 19 کی وجہ سے ملک کی معیشت برباد ہوچکی ہے، عوام کی جیبیں خالی ہیں، نوجوانوں میں روزگار نہیں ہے، ایسے میں پیٹرول، ڈیزل اور ایل پی جی کی قیمتوں میں روزبروز بڑتھی قیمتیں پریشان کن ثابت ہوں گی۔