کانگریس نے مسلمانوں کو برباد کیا ہے: مسلم راشٹریہ منچ

ریاست کرناٹک کے دارالحکومت بنگلور کے پریس کلب میں منعقد راشٹریہ سویم سیوک سنگھ کی ذیلی تنظیم مسلم راشٹریہ منچ کی جانب سے ریاستی سطح پر خواتین اور طلبا کے ونگس کی تشکیل کردہ کمیٹیوں کا اعلان کیا گیا اور انہیں اپوائنٹمنٹ لیٹیرز بھی جاری کیے۔

اس موقع پر ای ٹی وی بھارت سے بات کرتے ہوئے مسلم راشٹرییہ منچ کے ریاستی صدر محمد الیاس نے آر ایس ایس کے صدر موہن بھاگوت کے ایک بیان کا حوالہ دیتے ہوئے کہا کہ مسلمان ملک کا اٹوٹ حصہ ہیں اور مسلمانوں کو آر ایس ایس سے ڈرنے کی ضرورت نہیں ہے۔

محمد الیاس نے کہا کہ آزادی کے بعد سے لےکر اب تک کانگریس پارٹی نے مسلمانوں کا ووٹ لے کر انہیں برباد کرنے کا کام کیا ہے۔

مسلم راشٹریہ منچ کے رہنما محی الدین کا کہنا ہے کہ وہ مسلمانوں کو آر ایس ایس کے نظریات، ایم ایس گولوالکر اور ساورکر کے نظریات بتائیں گے اور مسلمانوں کو تعلیم سے آراستہ کریں گے۔