'بی جے پی کرناٹک میں ناکام ہو چکی ہے'

'ہم بی جے پی سے مطالبہ کرتے ہیں کہ وہ اس طرح کی حرکت سے باز آئے اور اراکین اسمبلی کو پیسوں کا لالچ دینا بند کرے'

ریاست کرناٹک میں گلبرگہ کانگریس پارٹی کی جانب سے بی جے پی پارٹی کے خلاف احتجاج کیا گیا۔

اس موقع پر کانگریس کے ضلعی صدر جگدوگتے دار نے کہا کہ ریاست کرناٹک میں بی جے پی پارٹی اراکین اسمبلی کو پیسوں کا لالچ دے کر خریدنے کی کوشش کر رہی ہے۔

انہوں نے مزید کہا کہ ریاست میں جب سے جے ڈی ایس اور کانگریس پارٹی کی متحدہ حکومت بنی ہے، اس وقت سے ریاست کے سابق وزیر اعلیٰ بی ایس یدیورپا ریاستی حکومت کو گرانے کی کوشش کرتے آرہے ہیں تاہم یہ نا کام ہوچکے ہیں۔

انہوں نے کہا کہ ہم بی جے پی سے مطالبہ کرتے ہیں کہ وہ اس طرح کی حرکت سے باز آئے اور اراکین اسمبلی کو پیسوں کا لالچ دینا بند کرے۔