بیدر:ریاست کرناٹک کے ضلع بیدر کے ہیلنگٹری ملٹی سپر اسپیشلٹی ہسپتال کے ڈاکٹرز نے ایک خاتون کے پیٹ سے چھ کلو وزنی رسولی نکال کر خاتون کو درد سے چھٹکارا دلایا۔ ڈاکٹر شو لیلا اور ان کی ٹیم نے آپریشن کر کے 40 سالہ خاتون کے پیٹ سے 6 کلو وزنی رسولی نکالا۔ ڈاکٹر شولیلا نے میڈیا سے بات کرتے ہوئے بتایا کہ مریضہ کو پچھلے دو ماہ سے پیٹ میں شدید درد تھا اور پیٹ روز بروز بڑھ رہا تھا، جس کے بعد اسے ہمارے ہسپتال داخل کرایا گیا۔ Six Kilograms Tumor Removed from the Patient
انہوں نے کہا کہ الٹرا ساؤنڈ کی مدد سے پیٹ میں وزنی رسولی کی تشخیص پر فوری طور پر آپریشن کرنے کا فیصلہ کیا گیا اور کامیاب آپریشن کرتے ہوئے چھ کلو وزنی رسولی کو نکالا گیا۔ ڈاکٹر ارشاد نوید نے کہا کہ مریضہ کا تعلق ایک دیہات سے ہے۔ انہوں نے علاج کرانے میں بہت دیر کردی، جس کی وجہ سے کئی کلو وزنی رسولی کی وجہ سے اسے تکلیف ہو رہی تھی۔