کورونا سے بیوی کی موت، شوہر فرار!

بنگلورو سے تعلق رکھنے والا ایک شخص اس وقت فرار ہوگیا جب ان کی اہلیہ کووڈ 19 سے متاثر پائی گئی۔

اطلاعات کے مطابق اس جوڑے کی شادی تقریباً دو سال قبل ہوئی تھی اور وہ جے سی نگر میں واقع مہالکشمی لے آؤٹ میں مقیم تھے۔

بتایا جارہا ہے مذکوہ خاتون اچانک بیمار ہوگئی اور انہیں اسپتال میں داخل کرایا گیا تھا ، جہاں وہ کورونا مثبت پائی گئی۔

یہ اطلاع ملتے ہی ان کا شوہر انہیں چھوڑ کر فرار ہوگیا۔ یہاں تک کہ انہوں نے اپنا موبائل فون بھی بند کر دیا۔

بالآخر 9 اگست کو مذکوہ خاتون کا انتقال ہوگیا جس کے بعد اسے کووڈ کے رہنما خطوط کے مطابق سپرد خاک کر دیا گیا۔

وہ شخص اپنی مقتول بیوی کی آخری رسومات کے لیے بھی واپس نہیں آیا تھا۔

پولیس فی الحال متوفی کے شوہر کا سراغ لگانے کی کوشش کر رہی ہے کیونکہ اس بات کا امکان ہے کہ وہ بھی کووڈ مثبت ہو۔