کرناٹک: حکومت کو مہاجر مزدوروں پر دھیان دینا چاہیے

کورونا وائرس کی وبا سے بچاؤ کے سلسلے میں حکومت کی جانب سے نافذ کردہ لاک ڈاؤن کی وجہ سے سب سے زیادہ تکلیف کا شکار مہاجر مزدور ہیں جن کا کوئی پرسان حال نہیں دکھائی دے رہا ہے۔

ای ٹی وی بھارت سے خصوصی بات کرتے ہوئے کرناٹک ہائی کورٹ کے معروف وکیل ایڈووکیٹ ایس بالن نے بتایا کہ 'انٹرسٹیٹ مائگرانٹ ورکرس ایکٹ 1979 کے تحت مہاجر مزدوروں کے متعلق مرکزی و ریاستی حکومتوں کو چاہیے کہ اپنی ریاست کے مزدوروں کو نہ صرف ان کے گھر پہنچانے کا انتظام کرے بلکہ دیگر اہم ضروریات کا بھی اہتمام کرے۔

اس ایکٹ کے ہونے کے باوجود حکومتیں مزدوروں کے لیے سہولیات فراہم کرنے میں ناکام نظر آرہی ہیں۔