بومن ہلی کی قدیم تنظیم "بومن ہلی یوتھ ویلفیئر اسوسی ایشن" ایسی ہی ایک تنظیم ہے جو ملی و سماجی خدمات کے لیے جانی جاتی ہے۔ اس تنظیم کی جانب سے ہر سال کی طرح امسال بھی اجتماعی نکاح کا اہتمام کیا گیا جس میں 10 غریب جوڑوں کے اجتماعی نکاح ہوئے اور یہ اجتماعی شادیاں بومن ہلی جامعہ مسجد میں منعقد کی گئیں۔
اس موقع پر خوشی کا اظہار کرتے ہوئے الحاج عنایت اللہ نے بتایا کہ' یہ اجتماعی شادیاں ہم ہر سال میلاد النبی کے موقع پر ماہ ربی الاول میں گزشتہ 35 سالوں سے کرتے آرہے ہیں۔ تنظیم کی یہ کوشش ہوتی ہے کہ نوجوان پیارے نبی کی سنتوں پر عمل پیرا ہوں کیونکہ یہ اجر کمانے کا ایک بہترین موقع ہے۔
اجتماعی شادیاں بومن ہلی جامعہ مسجد میں منعقد عنایت اللہ نے مزید بتایا کہ بومن ہلی کے اطراف و اکناف میں کئی ایسے غریب خاندان بستے ہیں جن کی غربت کا یہ عالم ہوتا ہے کہ ان کا گزارا ہی بڑی مشکل سے چلتا ہے ان حالات میں ایسے خاندانوں کی لڑکیوں کے نکاح چند وجوہات جیسے جہیز وغیرہ کی بنا پر بروقت نہیں ہو پاتے۔
ان حالات میں "بومن ہلی یوتھ ویلفیئر اسوسیشن" غریب لڑکیوں کے اجتماعی شادیوں کو منعقد کرکے نہ صرف ان کے نکاح کا اہتمام کرتی ہے بلکہ انہیں زندگی کی روزمرہ کی ضروریات اشیاء بھی فراہم کرتی ہے. ان اجتماعی شادیوں میں ایک جوڑے پر تقریباً ایک لاکھ روپے تک کا خرچ آتا ہے۔
اس موقع پر 'بومن ہلی یوتھ ویلفیئر اسوسیشن' کے ذمہ داران نے اس بات پر خوشی کا اظہار کرتے ہوئے کہا کہ' اللہ تعالٰی ان سے یہ سماجی خدمات لے رہا ہے تنظیم کا مقصد ہی یہ ہے ملت کے زیادہ سے زیادہ افراد ان کی خدمات سے مستفیذ ہوں۔
