ریاست کرناٹک کے ضلع یادگیر میں آشا کرن سماجی سیوا سمیتی اور دیگر تنظیموں کے تعاون سے مخنث سماج کے ایک سو لوگوں کو راشن کٹ تقسیم کی گئی۔
اس موقع پر سمیتی کے سکریٹری تایپا نے ای ٹی وی بھارت سے بات کرتے ہوئے کہا کہ 'یادگیر ضلع میں 700 ٹرانسجینڈر ہیں۔ ہم لوگوں نے ابھی سو لوگوں کو راشن کٹ مہیا کرایا ہے۔ جس میں دال چاول صابن جیسے اٹھارہ اشیائے ضروریہ شامل ہے۔'
انہوں نے ضلع یادگیر کے دیگر فلاحی تنظیموں کے ذمہ داران سے بھی اپیل کی کہ وہ پریشان حال سماج کے لوگوں کی مدد کریں۔
مخنث سماج نے آشا کرن سیوا سمیتی کے ذمہ داران کا شکر ادا کرتے ہوئے کہا کہ 45 دن سے ٹرین بند ہونے کی وجہ سے ہم لوگوں کو کافی مشکلات کا سامنا کرنا پڑ رہا تھا۔
انہوں نے کہا کہ 'ایسے میں اس تنظیم نے ہماری مدد کی جس کے لیے ہم ان کا تہہ دل سے شکریہ ادا کرتے ہیں۔'