کرناٹک میں خریدوفروخت کے پیچھے امت شاہ کا ہاتھ:گنڈوراؤ

کرناٹک میں برسر اقتدار کانگریس ۔جنتادل ایس کے اراکین اسمبلی کے استعفے پر جاری بحث میں حصہ لیتے ہوئے گنڈوراؤ نے امت شاہ کو اس کا ذمہ دار قرار دیا۔

ریاست کرناٹک میں ایچ ڈی کمار سوامی کی اتحادی حکومت میں جاری سیاسی اتھل پتھل کے درمیان ریاست کے کانگریس صدر دنیش گنڈو راؤ نے کانگریس اور جنتادل ایس اراکین اسمبلی کے استعفے کے پیچھے مرکزی وزیر داخلہ اور بی جے پی صدر امت شاہ کا ہاتھ ہونے کا الزام لگایا۔

کرناٹک میں برسر اقتدار کانگریس ۔جنتادل ایس کے اراکین اسمبلی کے استعفے پر جاری بحث میں حصہ لیتے ہوئے گنڈوراؤ نے امت شاہ کو اس کا ذمہ دار قرار دیا۔
انھوں نے کہا کہ 'امت شاہ یہ سب ریاست میں آئینی بحران اور صدر راج نافذ کرنے کے ارادے سے کررہے ہیں'۔

گنڈ راؤ کے اس بیان کی مخالفت کرتے ہوئے بی جے پی کے رکن سی ٹی روی نے اسمبلی اسپیکر سے درخواست کی کہ' ایوان میں امت شاہ پر جو تبصرہ کیا گیا ہے اسے ایوان کی کارروائی سے خارج کیا جائے۔

انھوں نے مزید کہا کہ 'کانگریس کے رکن بے بنیاد الزام لگارہے ہیں'۔

اس دوران کانگریس اور اپوزیشن کے ارکان کے ایک دوسرے کے سامنے آنے پر اسپیکر کے آر رمیش کمارنے مداخلت کرتے ہوئے کہاکہ وہ ایوان کی کارروائی دیکھیں گے اور شاہ کے خلاف کیے گے تبصرے کو کارروائی سے نکلوادیں گے ۔