کرناٹک میں گرام پنچایت انتخابات منعقد کرنے کا مطالبہ

کرناٹک رنویر سینا یادگیر نے ریاست کے وزیراعلی سے گرام پنچایت انتخابات کروانے کا مطالبہ کیا ہے۔

کرناٹک رنویر سینا یادگیر کے صدر ڈی بھاسکر نے میڈیا سے بات کرتے ہوئے کہا کہ ریاست میں بیشتر گرام پنچایتوں کی معیاد ماہ جون اور جولائی میں ختم ہو رہی ہے اور دو ماہ سے جاری لاک ڈاون کے بعد روزمرہ کی زندگی معمول پر آگئی ہے، ایسے میں گرام پنچایت انتخابات منعقد کرنا ضروری ہوجاتا ہے۔

ڈی بھاسکر نے کرناٹک کے وزیراعلی بی ایس یدی یورپا اور وزیر پنچایت راج کے ایس ایشورپا سے جلداز جلد گرام پنچایت انتخابات منعقد کرنے کا مطالبہ کیا۔

واضح رہے کہ کرونا وائرس بحران کے مدنظر گرام پنچایت انتخابات کو چھ ماہ تک کےلیے ملتوی کردیا گیا ہے، ریاست میں 6012 گرام پنچایتں ہیں اور ان میں سے بیشتر کی معیاد جون اور جولائی کے عرصے میں ختم ہو رہی ہے۔