بنگلور: آل انڈیا ملی کونسل کرناٹک نے قومی یوم تعلیم منایا

'مسلم معاشرے میں تعلیم کے رجحان کو بڑھانے کے لیے بچوں میں تعلیم کے تئیں شوق و دلچسپی پیدا کریں۔'

مولانا ابو الکلام آزاد کی یوم پیدائش کی مناسبت سے شہر بنگلور میں آل انڈیا ملی کونسل کرناٹک چیپٹر اور ماؤلی ایجوکیشن سوسائٹی کے اشتراک سے 'قومی یوم تعلیم' کا اہتمام کیا گیا جس میں اہم شخصیات و علماء کرام نے شرکت کی اور تعلیم کی اہمیت پر خطابات پیش کئے۔

اس موقع پر مولانا مقصود عمران رشادی نے سماجی تنظیموں سے اپیل کی کہ مسلم معاشرے میں پھیلی تعلیمی پسماندگی کو دور کرنے کے سلسلے میں منظم طریقے سے کام کیا جائے تاکہ کوئی بھی غریب بچہ حصول تعلیم سے محروم نہ رہے۔'

اس موقع پر آل انڈیا ملی کونسل کے اسسٹنٹ جنرل سیکرٹری مولانا مصطفیٰ رفاعی نے کہا کہ 'مسلم معاشرے میں تعلیم کے رجحان کو بڑھانے کے لیے بچوں میں تعلیم کے تئیں شوق و دلچسپی پیدا کریں۔'

ماؤلی ایجوکیشن سوسائٹی کے ذمہ داران نے کہا عمدہ تعلیم ہر بچے کا حق ہے اور ضرورت اس بات کی ہے کہ معاشرے کے اہل خیر حضرات اس بات کو یقینی بنائیں کہ کوئی بچہ معاشی کمزوری کی وجہ سے تعلیم سے محروم نہ ہو۔'