گلبرگہ ممبئی کے درمیان 25 مارچ سے فضائی خد مات کا آغاز

ریاست کرناٹک کے شہر گلبرگہ سے مہاراشٹر کے دار الحکومت ممبئی کے درمیان 25 مارچ سے فضائی خدمات کا آغاز کیا جائیگا۔

ریاست کرناٹک کے شہر گلبرگہ ایئر پورٹ سے ایئر انڈیا کی پرواز 25 مارچ سے گلبرگہ اور ممبئی کے درمیان ساتوں دن راست فضائی خدمات شروع کرنے کا اعلان کیا ہے ۔

فضائی خدمات کے ساتھ ہی کرناٹک کے مذکورہ علاقہ کے تاجروں کا دیرینہ خواب شرمندہ تعبیر ہوگا۔ گلبرگہ اور قرب و جوار کے لوگوں بالخصوص تاجر طبقہ کو دونوں شہروں کے درمیان فضائی سفر کا طویل وقت سے انتظار تھا ۔

18 مارچ سے ممبئی کے لئے بکنگ بھی شروع ہو گئی ہے۔ اور25 مارچ سے روزانہ ممبئی سے طیارہ صبح 9 بجے گلبرگہ پہنچے گا۔

اور صبح 9 بج کر 25 منٹ پر گلبرگہ سے واپس ممبئی کے لئے اڑان بھرے گا ۔