یادگیر: لاک ڈاؤن کے دوران ضرورت مندوں کو کھانا تقسیم کرتے ہیں یہ نوجوان

ریاست کرناٹک کے ضلع یادگیر میں کورونا وائرس کی روک تھام کے لیے ریاستی حکومت نے مزید 14 دن کا لاک ڈاؤن لگایا ہے۔ جسے دیکھتے ہوئے یادگیر کے نوجوان ضرورت مندوں کو کھانا تقسیم کرتے ہیں۔

کرناٹک میں نافذ لاک ڈاؤن صبح 6 بجے سے 10 بجے تک کے لیے ضروری اشیاء کی خریداری کے لئے وقت دیا گیا ہے۔ دس بجے سے تمام دکانوں کو بند کرنے کی ہدایت دی گئی ہے۔

ایسے میں شہر کے کولی واڑا یادگیر کے نوجوانوں نے شہر کے سرکاری اسپتال، کووڈ اسپتال، دیگر اسپتالوں کے علاوہ درگاہ مسجد اور مندروں کے اطراف رہنے والے غرباء اور مسکینوں کے لئے کھانے کا انتظام کر رہے ہیں۔

یہ نوجوان ستائش کی پرواہ کیے بغیر خاموش خدمت انجام دے رہے ہیں۔ ان نوجوانوں نے کیمرے کے سامنے نہ آتے ہوئے کہا کہ ہم لوگوں کا واحد مقصد ہے کہ لوگوں کو دو وقت کا کھانا مل سکے۔

لاک ڈاؤن کی وجہ سے کئی لوگ پریشان ہیں۔ ایسے میں ہم ان کو اگر دو وقت کا کھانا اور پانی مہیا کرا سکتے ہیں تو ہمارے لئے خوش قسمتی کی بات ہے۔