ریاست کرناٹک کے ضلع گلبرگہ میں کمیونسٹ پارٹی کے رہنما ماروتی مانپاڑے کے انتقال پر شہر میں سیاسی اور سماجی رہنماؤں کی جانب سے خراج عقیدت پیش کیا گیا۔
اس موقع سی پی ایم کے رکن محمود مقدم نے کہا کہ ماروتی مانپاڑے سیکولر رہنما تھے۔ انھوں نے ہمیشہ کسانوں، مزدوروں، غریب عوام کے حق کے لیے اپنی آواز کو بلند کرتے رہے ہیں۔
وہ ہمیشہ مرکزی اور ریاستی حکومت کے عوام مخالف پالیسیوں کے خلاف اپنی آواز کو بلند کرتے رہے ہیں۔
یہ بھی پڑھیں: یادگیر: عید میلاد النبیﷺ کے جلوس سے متعلق مسلم تنظیموں کی رائے
کرناٹک میں سب سے پہلے گلبرگہ میں این آر سی، سی اے اے اور این پی آر کے خلاف سب سے پہلے اپنی واز کو بلند کرنے والے ماروتی مانپاڑے تھے۔
ماروتی مانپاڑے کا تعلق ہر سیکولر رہنماؤں سے تھا۔ انھوں نے کبھی ذات پات کی سیاست نہیں کی۔ ان کا آخری احتجاج گلبرگہ میں 28 ستمبر سنہ 2020 کو کسان مخالفت پالیسیوں کے خلاف تھا۔
کورونا پازیٹیو ہونے کے بعد انہیں گلبرگہ کے جمیس ہسپتال میں داخل کرایا گیا تھا، جہاں سے انہیں پانچ اکتوبر کو شولاپور کے اشوینی ہسپتال منتقل کیا گیا تھا۔ انھیں وینٹی لیٹر پر رکھا گیا تھا۔ بتا دیں کہ 20 اکتوبر کو ان کا انتقال ہو گیا۔ وہ 56 برس کے تھے۔