جھارکھنڈ: شہد کی مکھیوں کے کاٹنے سے جوڑا ہلاک

یہ جوڑا گاؤں کے دیگر افراد کے ساتھ لکڑی لینے جنگل گیا تھا، لکڑی کاٹنے کے بعد وہ جنگل سے گزرتے ہوئے ایک ندی کے کنارے بیٹھ گئے، اسی دوران مکھیوں کے جھنڈ نے ان پر حملہ کر دیا اور انہیں بری طرح زخمی کردیا۔

ریاست جھارکھنڈ کے ضلع گڑوا کے ڈنڈائی بلاک کے جڑاہی گاؤں میں نندو پاسوان اور ان کی اہلیہ مینا دیوی کی موت شہد کی مکھیوں کے کاٹنے سے ہو گئی ہے، یہ جوڑا جنگل میں لکڑی کاٹنے گئے تھے، جہاں ایک مکھی کے جھنڈ نے ان پر حملہ کر دیا۔ اس واقعے کی وجہ سے گاؤں میں غم کا ماحول ہے اور کنبہ کے افراد کافی غمزدہ ہیں۔

یہ جوڑا گاؤں کے دیگر افراد کے ساتھ لکڑی لینے جنگل گیا تھا، لکڑی کاٹنے کے بعد وہ جنگل سے گزرتے ہوئے ایک ندی کے کنارے بیٹھ گئے، اسی دوران مکھیوں کے جھنڈ نے ان پر حملہ کر دیا اور انہیں بری طرح زخمی کردیا۔ کچھ لوگ اپنی جان بچا کر وہاں سے فرار ہوگئے اور گاؤں میں آکر لوگوں کو اطلاع دی۔ گاؤں کے لوگوں کی ایک بڑی تعداد جنگل میں پہنچی۔

تو انہوں نے کسی طرح بے ہوش جوڑے کو شہد کی مکھیوں کے دائرے سے باہر نکالا اور انہیں صدر اسپتال میں داخل کرایا، جہاں ان کی موت ہوگئی۔

جوڑے کے بیٹے جتیندر کمار پاسوان نے بتایا کہ ان کی والدہ اسپتال پہنچتے ہی فوت ہوگئیں جبکہ علاج کے دوران والد کی بھی موت ہوگئی۔