رانچی: بھارتی خواتین ہاکی ٹیم کو اولمپک کوالیفائر کے پہلے میچ میں مایوسی کا سامنا کرنا پڑا۔ اسے امریکہ کے ہاتھوں شکست کا منہ دیکھنا پڑا۔ ہندوستانی ٹیم اپنا دوسرا میچ آج نیوزی لینڈ کے خلاف کھیلے گی۔
سنیچر کا دن ہندوستانی ہاکی کے شائقین کے لیے اچھا نہیں رہا۔ رانچی کے مرانگ گومکے میں جے پال سنگھ اسٹیڈیم میں خواتین کے ایف آئی ایچ اولمپک کوالیفائرز ہاکی میچ میں بھارت کو امریکہ کے ہاتھوں شکست کا سامنا کرنا پڑا۔ سنیچر کو پہلا میچ جرمنی اور چلی کے درمیان کھیلا گیا جس میں جرمنی نے چلی کو تین صفر سے شکست دے دی۔ دوسرا میچ جاپان اور چیک جمہوریہ کے درمیان کھیلا گیا جس میں جاپان کی ٹیم نے چیک جمہوریہ کو 2-0 سے شکست دی۔ تیسرا میچ نیوزی لینڈ اور اٹلی کے درمیان تھا جس میں نیوزی لینڈ نے اٹلی کو تین صفر سے شکست دی۔
تین میچوں کے بعد بھارت اور امریکہ کے درمیان چوتھا میچ شروع ہوا جس کا لوگ صبح سے ہی انتظار کر رہے تھے۔ میچ شروع ہونے سے پہلے ہی سٹیڈیم میں کھچا کھچ بھرا ہوا تھا۔ ریاستی گورنر سی پی رادھا کرشنن بھی بھارت اور امریکہ کے درمیان میچ دیکھنے گراؤنڈ پہنچے اور دونوں ٹیموں کے کھلاڑیوں سے مصافحہ کیا اور ان کی حوصلہ افزائی کی۔ بھارت اور امریکہ کے درمیان ہوئے اس میچ میں امریکہ نے بھارت کو 1-0 سے شکست دے دی۔ دوسرے ہاف میں امریکہ کی جانب سے تمر ابیگیل نے گول کر دیا۔ اس کے بعد بھی امریکہ نے پورے میچ میں بھارتی کھلاڑیوں پر دباؤ بنائے رکھا۔